Та дуннеын анайлэсь дуноез номыр но ӧвӧл. Со котьку тонэ валалоз, шуг-секытъёсысь потыны юрттоз. Пичи дырысенымы ик ми котыртэмын солэн яратонэныз, сюлмаськеменыз. Со котьку но возьма тынэсьтыд шуныт кылъёсты, соин эн кышка ӵем вераны солы «Мон тонэ яратӥсько!». Яке кырӟанэн возьматы, ма бугыръяське тынад сюлэмад…

«Натуральный блондин…» кырӟа  сиё-дано Николай Басков. Мыным но тупасалзы та кырӟанлэн чуръёсыз кӧня ке ар талэсь азьло. Соку мон вал тӧдьы йырсиё нылаш. Со сярысь тросэз уг ни тодо. Али соос азе пуксё шундылэн сиосыз сямен пиштӥсь йырсиосы. Кӧня чебер кылъёс кылылӥ но кылӥсько мон!!! Кызьы гинэ монэ ӧз нималэ: зарни чорыг но, Арлекино но!!! Трос пол кырӟаллязы ини, мыным сӥзьыса, «Солнышко в руках» кырӟанэз.

Нылъёс но пиос, эн кышкалэ воштыны стильдэс, эн кышкалэ возьматыны асьтэлэсь аспӧртэмлыктэс!!!

Ӟечбур, гажано лыдӟисьёсы! Табере мынам но вань аслам блоге! Ура!!! Мар сярысь гожъяны али уг тодӥськы на, соин пичияк ачим сярысь верало.